درد دل کا کسے کروں اظہار
قاسم علی خان آفریدیدرد دل کا کسے کروں اظہار
غم ہجرت بہ جان من بسیار
نرگسی چشم کو کہاں پاؤں
جسے تسکیں ہو خاطر افگار
رکھوں اپنا کفن سلانے کو
پاؤں گر موئے زلف کا یک تار
باقی ارماں رہا بہ دل افسوس
جان جاتی ہے یار یار پکار
صنما ظالماں ستا لے آ
منتظر کوئی دم رہا بے شمار
دیکھنا دیکھ لے دکھا صورت
ورنہ پھر میں کہاں کہاں تو یار
آفریدیؔ گرا بے چاہ زنخ
ماہ کنعان کی طرح لاچار