بے رخ ہے وہ پری دل دیوانہ کیا کرے

بے رخ ہے وہ پری دل دیوانہ کیا کرے

رو رو کے آنکھ بھرتی ہے پیمانہ کیا کرے

دست و زبان و دیدہ و دل دیتی ہیں دعا

کرتے ہیں وہ یگانے کہ بیگانہ کیا کرے

کہتا ہی مرغ دل سے وہ حال میان خط

سبزہ جو دام ہو تو اسے دانہ کیا کرے

بے بس کیا ہے مجھ کو سر زلف یار نے

زنجیر پاؤں میں ہو تو دیوانہ کیا کرے

جادو ہے آنکھ سرمہ نہ کیوں کر رہے خموش

سرکش ہی زلف کاندھے نہ دے شانہ کیا کرے

دل کو نہ داغ دیجئے بوسے کی چاٹ پر

جو بیچتا نہ ہووے وہ بیعانہ کیا کرے