عشق نے تجھ خال کے مجھ کوں خیالی کیا
داؤد اورنگ آبادیعشق نے تجھ خال کے مجھ کوں خیالی کیا
دل کوں خیالات سوں غیر کے خالی کیا
فکر پہنچتی نہیں مصرعۂ ثانی کہوں
حق نے تیرے قد کے تئیں مصرعہ عالی کیا
ہجر میں جاگیر عیش مجنوں ہوئی تھی تغیر
وصل کے دیوان نے پھر کے بحالی کیا
گلشن عشرت کا وہ کیوں نہ نظارہ کرے
تجھ چمن حسن کا دل کوں جو مالی کیا
بوسہ اسے دے جواب یو ہے جو اب صواب
تجھ انگے داؤدؔ نے لب کوں سوالی کیا